Unueco donas forton

Feliĉan novan jaron

2010-12-27T18:58:00.001+01:00

Bondeziroj

2009-01-01T17:12:00.002+01:00

Bona edukado

2008-11-21T18:03:00.006+01:00

N.B. Lignaj skulptaĵoj videblaj sur malnovaj domoj en Angers (FR 49)
kaj la drako en la kastelo Amboise (FR 37)

La ĉevalo kaj la muŝoj

2008-08-04T20:40:00.002+02:00

- Sendube, la tuta muŝaro loĝas sur mia kapo!

Trafikcirklo

2008-07-15T19:41:00.004+02:00

Bela nomo por tiu trafikcirklo en la urbo Betschdorf (67 - Francio)!
Ĉu ne?

Papilioj

2008-07-04T19:03:00.003+02:00

Amo pli kora, disiĝo pli dolora.

Somerkoloroj

2008-06-25T14:57:00.002+02:00

Feliĉeto

2008-06-24T15:47:00.001+02:00

- Bela birdostango!... ĉu ne? Dankon!

Striptizo....

2008-05-25T12:13:00.002+02:00

Belaj orkideoj

2008-05-25T12:10:00.002+02:00

Orchis purpurea - Ophrys insectifera - Ophrys apifera - Orchis militaris

vireca fungo

2008-04-18T14:55:00.004+02:00

Al kio similas tiu fiera fungo?

La tempo de Ciganoj

2008-03-31T13:08:00.004+02:00

Emir Kusturica adaptis sian faman filmon "La tempo de Ciganoj" en grandioza "punka" opero.
Ekde la leviĝo de la kurteno, la spektantoj mirigegas....
Tiu moderna opero estas granda bildlibro kiu malfermiĝas antaŭ niaj mirigitaj okuloj: kampadejo de lado kie balanciras bruemaj anseroj, malpuraj ruldomoj mizere ornamitaj de lumetoj, grandega katedralfasado, flugantaj tegmentoj antaŭ kampara pejzaĝo pentrita sur grandaj toloj.
Estas granda baroka miksaĵo, gaja bazaro, kiel ĝia mulkolora landanaro: la ruzaj ciganoj.
Emir Kusturica parolas pri gravaj aferoj, kiel la stultaĵo de la militoj, la malkuraĝo de la homoj, la industria faŝismo... sed li povas ĉion diri dank'al siaj grandanima energio, kontaĝa humoro kaj rara poezio.
Plue, la cigana muziko belege orkestrita kaj la ciganaj kantoj tremetigas nin dum la tuta spektaklo.
Brave kaj dankon.

http://www.youtube.com/watch?v=JUQCNlHYDBo

Tondado

2008-03-18T10:56:00.004+01:00

Mi bonŝancis spekti ŝaftondadon.
Mi miris antaŭ la lerteco de la du spertaj tondistoj, kiuj tondis 266 ŝafojn dum unu tago!

Mi mem provis iom uzi la tondilon, sed mi rapide redonis ĝin al la profesiulo...
Vere ŝaftondado estas malfacila laboro!

Vidu pli da bildoj:
http://www.ipernity.com/doc/jeo055/album/56384

Fabelo (3)

2008-02-28T10:51:00.004+01:00

Fabelo (2)

2008-02-28T10:34:00.002+01:00

Fabelo (1)

2008-02-27T17:49:00.003+01:00

- Ne timu, Princino! La hakisto mortigis la flugdrakon!

Kreskanta arbo

2008-02-17T17:16:00.002+01:00

Ĉiam, mirindaj arboj altiras mian atenton.
Mi longtempe observis tiun arbeton, kiu sukcesis kreski tra la kradaĵon, glutante ĝin....

Literformaj konstruaĵoj

2008-02-04T09:16:00.000+01:00

Vojaĝante per GoogleEarth, eblas malkovri fojfoje mirindan konstruaĵon kies formo similas granda litero.

Ekzemple, tiujn ĉi subajn bildojn mi trovis en Parizo aŭ en la ĉirkaŭaĵoj.

Sendube, la arkitektoj volis diskonigi Esperanton! Ĉu ne?

Por pli bone spekti tiujn literformajn konstruaĵojn, klaku la koordinatojn de la lokoj kie ili troviĝas.
E: 48°51’02”N 2°19’18”E
S : 48°57’44”N 2°17’09”E
P : 48°50’48”N 2°20’16”E
E : 48°58’45”N 2°14’22”E
R : 48°58’13”N 2°17’05”E
A : 48°52’35”N 2°21’41”E
N : 48°59’10”N 2°14’46”E
T : 48°58’20”N 2°17’14”E
O : 48°55’28”N 2°21’37”E

Omaĝe al Claude Piron

2008-01-24T22:05:00.000+01:00

Claude Piron malaperis: Gerda ploras! (1)
Klaŭdjo mortis? Vere aŭ fantazie? (2)
Ĉu li nun vojaĝas trakosme? (3)
Sendube, kiel la meteoro. (4)
Tamen, vojaĝante, li ĉiam rakontas novelojn. (5)
Sed, lasu min paroli plu : (6)
Por tiu lasta vojaĝo, li certe surŝultrigis la dorsosakon de Panjo Rut'. (7)
Kien? Tien. (8)
Kio mortigis lin? Eble, kisa malsano. (9)
Tiaj ni estas. (10)
Dank'al la belaj verkoj de Claude, por ni vivi estas miri! (11)
Dankon! Dankon, amiko! (12)

Ĵeo, 24/01/2008

(1) Gerda malaperis! (didaktika romano)
(2) Vere aŭ fantazie? (rakontaro, 1989)
(3) Ĉu li venis trakosme? (krimromano, 1980)
(4) La meteoro. (novelo en "Tiaj ni estas" vol.3 , 2002)
(5) Ĉu rakonti novele? ( krimnoveloj, 1986)
(6) Lasu min paroli plu. (instrua romaneto, 1984)
(7) La Dorsosako de Panjo Rut'. (novelo, 1995)
(8) Tien. (sciencfikcia romano, 1997)
(9) La kisa malsano (instrua romaneto en "Tiaj ni estas" vol.2, 2002)
(10) Tiaj ni estas. (noveloj, 2002-2003)
(11) Vivi estas miri. (legolibro, 1995)
(12) Dankon, amiko! (facila rakonto, 1990)

Printempas...

2008-01-24T18:31:00.000+01:00

Fojfoje, vintro donacas belajn printempajn tagojn.
Jam, timemaj floretoj kreskas en la ĝardeno...

Ĉio pri esperanta muziko!

2008-01-03T19:11:00.000+01:00

Vizitu tiun altkvalitan TTT-ejon:

"KantarVikio: Ĉio pri esperanta muziko!"

Ĝi estas bela vikia paĝo pri ĉio rilate al esperanta muziko, kaj bela trezoro por ĉiuj muzikemuloj.

Ekzemple: legi la parolojn de multe da kanzonoj, trovi la akordojn por gitara akompano, malkovri esperantlingvajn kantistojn aŭ e-grupojn...

Tre bona ilo, vere.

Rozkolora manĝo

2008-01-03T19:05:00.000+01:00

Filino mia preparis rozkoloran kristnaskan manĝon.
Brave: Estis bela, kaj bongusta...
Dankon.

Ŝi bone meritas tiun rozan bukedon:

Bonan 2008

2007-12-31T11:58:00.000+01:00

-Feliĉan novan jaron!
-Dankon, kara mia! Sed... via barbo iom pikas min.

Senhara palmo

2007-12-10T14:07:00.001+01:00

-Kiu ŝtelis miajn belajn palmfoliojn? Mi ne trovas ilin sur la grundo...

Esperanto-parolantoj en ipernity

2007-12-05T14:44:00.000+01:00

Meze de junio 2007, estis malfacile trovi Esperanto-parolantojn en Ipernity.
Nun, 5 monatojn poste, estas almenaŭ 310... Kia bela kresko!

Kompreneble, mi havas spacon en tiu bona TTT-ejo.
Vidu:
http://www.ipernity.com/doc/jeo055/album

Lasta folio

2007-12-04T17:56:00.001+01:00

Laborema talpo

2007-11-28T20:25:00.000+01:00

- Tutsole, mi konstruis tiujn belajn dometojn!

Sed, mi ne komprenas kial homoj ne ŝatas ilin...

Frostema arbo

2007-11-25T11:46:00.001+01:00

Vintro estas jam preta viziti nin:
arboj varme vestiĝis...

Aŭtunaj folioj

2007-11-19T18:09:00.000+01:00

Miniatura pejzaĝo

2007-11-09T15:01:00.000+01:00

Belan donacon oferis la naturo.
Ĝi kreis ĝardeneton en la vundo de tiu fruktarbo.

Ĝirafa arbo

2007-11-08T12:01:00.001+01:00

Sendube, tiu rimarkinda betulo malfacile kreskis, kaj suferis dum sia infanaĝo.

En la vilaĝo, la geinfanoj nomas ĝin: "la ĝirafo".

Staĝo de Esperanto

2007-10-23T20:17:00.000+02:00

Dum la 62-a regiona staĝo de Esperanto en Saâles, kelkaj partoprenantoj vizitis la pedagogian fruktĝardenon de la urbo.
Lastajn jarojn, la komunumo proponis al la gelernantoj planti multe da pomarboj.
La gvidanto bone klarigis al la vizitantoj la gravecon de la insektoj por fekundigi la fruktarbojn.
Ili mem faris specialajn insektujojn por allogi sovaĝajn abelojn en la fruktarbejo.

Estas facile konstrui tiun sovaĝabelujon:

Kantanta arbo

2007-10-15T19:32:00.000+02:00

Metala delikataĵo

2007-10-03T20:44:00.001+02:00

Observante tiun voreman arbon, mi neniam komprenis kial li manĝas metalon...

Meditado

2007-10-02T17:51:00.001+02:00

Ĉi-matene, mi atente relegis la poemon "Unue ili la judojn venigis". La pastoro, Martin Niemöller, verkis ĝin en germana lingvo, dum la holokaŭsto.

Kiam la nazioj forkondukis la komunistojn,
Silentis mi,
Mi estis ja ne komunisto.

Kiam ili malliberigis la socialdemokratojn,
Silentis mi,
Mi estis ja ne socialdemokrato.

Kiam ili forkondukis la sindikatanojn,
Mi ne protestis,
Mi estis ja ne sindikatano.

Kiam ili la judojn venigis
Silentis mi,
Mi estis ja ne judo.

Kiam ili min venigis,
Estis jam neniu,
Kiu povis protesti.

Mirinda arbo

2007-09-28T18:32:00.000+02:00

Malgraŭ mia stranga aspekto, mi neniam krokodilas!

Espero sur la maro

2007-09-15T17:59:00.000+02:00

Promenante laŭ la marbordo, la nomo de tiu velŝipo tuj altiris mian rigardon...

Sufiĉus aldoni la 5 literojn S, P, E, R, E...
Tuj, la ŝipo iĝus "esperema ŝipo"!

Blogtago

2007-08-30T20:32:00.000+02:00

Por festi la 3-an Blogtagon, mi indikas 5 blogojn, kiujn mi ŝatas:

http://bendisplanet.blogspot.com/

http://skribitaj-pensoj.blogspot.com/

http://verdalando.blogspot.com/

http://cezarblogo.blogspot.com/

http://azulreal.blogspot.com/

BlogTago

2007-08-16T20:23:00.000+02:00

Ĉu vi estas bloganto?
La 31-a de Aŭgusto, celebru la 3an BlogTagon!

BlogTago estas dediĉata al blogantoj (blogistoj?).
Je tiu ĉi tago, ĉiuj blogantoj trans la tuta mondo povos afiŝi rekomendojn pri 5 novaj blogoj, prefereble blogoj malsame je sia propra kulturo, vidpunkto, kaj sinteno. Do, la blogkrozantoj trovos sin saltante kaj trovante novajn, nekonatajn blogojn, kaj celebrante la eltrovo de novaj homoj kaj blogantoj.
Vi trovos pli da informoj... en Esperanto... ĉi tie: http://www.blogday.org/eo.htm

N.B. Mi esperantigis la du belajn etikedojn:

Pavano

2007-08-04T13:48:00.000+02:00

Hodiaŭ, mia blogo pliriĉiĝas: oni povas nuntempe aŭdi sonon...

Ekzemple:
"Belulino al kiu sklavas" estas maljuna pavano deThoinot Arbeau, 1588, kiun mi ludis per mandolino.

N.B. La fama grupo AKORDO kantas bele tiun kanton.

amikeco

2007-07-29T22:57:00.000+02:00

Interkonsento estas pli bone, ĉu ne?

Mi trovis tiun bonan desegnaĵon, sed mi ne konas la aŭtoron.
Ĵeo

Kvinteto

2007-07-23T22:12:00.001+02:00

Antaŭ kelkaj tagoj, en la garaĝo, naskiĝis kvin simpatiaj hirundetoj.
Kiam iliaj gepatroj alportas manĝaĵojn, kiel bela koruso, la kvinteto larĝe malfermas la bekojn.
Sed ilia kanzono estas nur plendo de malsato....

Luma perlo

2007-07-20T21:14:00.000+02:00

Luma perlo: mia kvina *hajko

*Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5). Verkita en simpla lingvaĵo, hajko kutime priskribas la naturon, kaj invitas la legantojn al meditado.

Ekspozicio

2007-07-19T11:35:00.000+02:00

Mia amiko, Christian, ilustristo k pentristo, freŝe kreis retejon por montri kelkajn el siajn desegnaĵojn k pentaĵojn.
http://traitportrait.blogspot.com
Mi pensas ke li posedas altan talenton, ĉu vi konsentas?

*loko por fumanto

lorena pejzaĝo

Donacema betulo

2007-07-15T20:04:00.001+02:00

Blovas, blovadas...
La betuloj bruas, tremas sub la vento, perdante multajn semojn, kiuj lerte disventiĝas, forflugas, kaj kovras la grundon.

Eble, betulo disvastigas Esperanton, ĉar ĉiu el siaj akenoj similas la literon E.
Ĉie sur la tero, kuŝas milionoj da E.

donaco

2007-06-24T17:42:00.000+02:00

La 21-an de junio 2007,
Al miaj gelernantoj kaj kolegoj, tiun hajkon mi dediĉas:

varma solstico
kortuŝa donacaro
eterna danko

Babilado 2

2007-06-13T20:36:00.000+02:00

- Avĉjo, rigardu! Ŝajnas ke tiu-ĉi floro ne dormas nokte...

- Vi pravas! Enotero (Oenothera) estas genro de unu-, du- aŭ plur-jaraj herboj kun helkoloraj floroj, havantaj kvarfoliajn kalikon kaj korolon.
Oni povas rekoni enoteron pro la ikso-forma stigmo.
Krepuske, la bonodoraj floroj malfermiĝas allogante noktajn papiliojn.

Babilado

2007-05-20T17:21:00.000+02:00

-Avĉjo, ĉu la floroj dormas nokte?

-Kara nepo mia, rigardu tiujn du bildojn:
Diurne, floroj fieras etendante siajn petalojn sub sunlumo.
Nokte, ĉiu floro tenere fermas sian korolon kaj sendube sonĝas... kiel vi!

-Bonan nokton.

Mistera vorto

2007-05-13T18:28:00.000+02:00

Liter-sudoko inspiras al mi novan ludon -ankoraŭ pli amuza!

Plenigu la tabelon, tiamaniere ke ĉiu linio, ĉiu kolumno, kaj ĉiu kvadrato 3X3 entenu nur unufoje ĉiujn literojn de la... mistera vorto!

Kiel malkovri tiun misteran vorton?
Unue, skribu la naŭ malsamajn literojn en la ĉi suba linio.

Due, serĉu logike la bonan lokon por ĉiu litero. Iom post iom, la mistera vorto aperos en la kolora kolumno.

Helpo: Sinonimoj de la mistera vorto estas "peco" aŭ "ero".

Mi atendas vian solvon: jeo055@gmail.com

Timo

2007-05-06T10:02:00.000+02:00

Filiketo:
— Mi timas, ĉar mi legis la du komentojn de Bonulo kaj Stela en antaŭa mesaĝo

Ili diris ke Japanoj kaj Kanadanoj manĝas la junajn filikojn... ja, miajn fratinojn!. Ŝajnas ke ili fremdas tiujn "violonkapojn" (Fiddleheads).

Violonkapo:
— Kreskas miloj da filikoj en la mondo. Sed, sole du el ili estas manĝeblaj: "Matteuccia struthiopteris" kaj "Osmunda cinnamamea".

Ne timu!

Du fratoj

2007-05-01T17:30:00.000+02:00

Du fratoj kunkune kultivis terpecon, kaj dispartigis la rikolton.
Poste grenrikolto, iun nokton, la pli juna frato vekiĝis, meditanta pri tiu partigo:
- Mia frato estas edziĝita, li havas du infanojn. Li certe havas multe pli da zorgoj kaj elpezoj ol mi. Mi devus doni al li pli da tritiko, sed li certe rifuzos ĝin.
Tuj, li ellitiĝis, kaj forportis kelkajn sakojn en la grenejo de sia frato.
Samnokte, la dua frato ankaŭ vekiĝis:
- Mia frato vivas tutsola, li ne konas feliĉon de familia vivo. Li bezonas distri, sed distroj multe kostas. Sed, mi ne povas proponi donacon, ĉar li rifuzos.
Li ellitiĝis, kaj forportis kelkajn sakojn en la grenejo de sia frato.
Matene, la du fratoj forte miris, ĉar ĉiu el ambaŭ malkovris en sia grenejo tiel multe da sakoj ol antaŭtago.
Ĉiujare, post la grenrikolto, la du fratoj rekomencis. Tamen, li neniam sciis per kiel sorĉaĵo estas ĉiam sama la kvanto da sakoj.

Bonvenon!

2007-04-28T20:12:00.000+02:00

Hodiaŭ filiko naskiĝis en la ĝardeno.

Elteriĝante, tiu tenera kreskaĵo unue prezentas kortuŝitan volvitan formon.

filiko: (Athyrium filix-femina)

Brave!

2007-04-27T19:27:00.000+02:00

La E-litersudoko "KOMENTARI" estis solvita.

La gajninto estas Richardo!

Brave!

Mi do sendos al li la libreton "Fratoj eble ni estas...", kiu enhavas la faman paroladon de la ĉefo Seattle en 1854.

N.B. Vi trovos la solvon en komento de la antaŭa mesaĝo...

Komentari

2007-04-21T13:45:00.000+02:00

Kuŝas ĉi-sube facila E-litersudoko 9X9.

Plenigu la tabelon, tiamaniere ke ĉiu linio, ĉiu kolumno, kaj ĉiu kvadrato 3X3 entenu nur unufoje ĉiujn literojn de la vorto "KOMENTARI"
N.B. La unua ludanto kiu sendos al mi la solvon ricevos donaceton...
jeo055@gmail.com

La du rimenŝuoj

2007-04-05T14:34:00.000+02:00

En Hindio, la trajnoj estas senĉese ĉiam plenplenaj.

Iun tagon, iu pasaĝero sidanta sur la vagontegmento, perdis rimenŝuon, kiu falis eksteren.

Senprokraste, li demetis la duan, kaj ĵetis ĝin ĉeranden laŭ la fervojo.

Ĉiuj pasaĝeroj miris pro tia gesto.

La homo simple diris:
-Mi tute ne bezonas malparan rimenŝuon. Tamen, se iu trafas la unuan, ĝi ne utilos al li. Li preferinde trovu la duan!

Elfrancigis Ĵeo

Printempas...

2007-03-20T19:03:00.000+01:00

Printempas: Mia kvara *hajko

*Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5). Verkita en simpla lingvaĵo, hajko kutime priskribas la naturon, kaj invitas la legantojn al meditado.

La parolo

2007-03-15T18:50:00.000+01:00

Iun tagon, iu fiŝkaptisto disvolvante siajn retojn sur la strando, malkovris tie elsekiĝitan kranion.
Por amuziĝi, li ekparolis al la kranio:
- Diru al mi, Kranio, kiu kondukis vin ĉi-tien?
La viro ekmiris aŭdante voĉon... Respondis ja... la kranio:
- Parolo!
Tuj, la fiŝkaptisto, kuregis al vilaĝo, eniris la pajlobudon de la reĝo, kaj diris.
- Mi malkovris parolantan kranion!
La reĝo respondis:
- Parolanta kranio! Se vi mensogis, timu je la kapo via!
La reĝo akompanis la fiŝkaptiston ĝis la strando por miri pro la sorĉaĵo.
La fiŝkaptisto denove parolis al la kranio:
- Diru al mi, Kranio, kiu kondukis vin ĉi-tien?
Sed, neniu respondo! La kranio tute silentis.
Nu, la reĝo ekprenis sian sabron, kaj al la fiŝkaptisto detranĉis la kapon. Poste, li reiris al la vilaĝo.

Tiam, la kranio vokis al la sangokovrita kapo:
- Diru al mi, Kapo, kiu kondukis vin ĉi-tien?
Elrevigita, la kapo respondis:
- Parolo!

afrikan fabelon esperantigis el la franca Ĵeo

Ĉielarko

2007-03-10T18:19:00.000+01:00

Ĉielarko: mia tria *hajko

*Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5). Verkita en simpla lingvaĵo, hajko kutime priskribas la naturon, kaj invitas la legantojn al meditado.

kripta E-mesagxo

2007-03-07T18:54:00.000+01:00

Rigardu atente la turmentajn branĉojn de tiu stranga arbo.

Ĉu vi sukcesis vidi enigman mesaĝon?

Helpo:

- Sendube, tiu arbo disvastigas Esperanton!
- Kiel?
- Tutsimple, la du literoj E kaj O estas kaŝitaj en la branĉoj...

Solvo:

Ĵeo

Prujno

2007-03-03T19:58:00.000+01:00

Prujno : Mia dua *hajko

*Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5). Verkita en simpla lingvaĵo, hajko kutime priskribas la naturon, kaj invitas la legantojn al meditado.

La tri filtriloj

2007-02-28T13:24:00.000+01:00

Iun tagon, Sokrato, la fama filozofo, akceptis ulon, kiu flustris:
- Aŭskultu, Sokrato, mi rakontos al vi kiel via amiko kondutis.
- Haltu! respondis Sokrato. Antaŭ ol paroli, necesas filtri viajn vortojn trans la tri filtriloj!

Pro la perpleksa mieno de la viro, Sokrato aldonis:
- La unua filtrilo estas tiu de vereco. Ĉu vi kontrolis tion, kion vi volis rakonti al mi?
- Ne... mi nur aŭdis pri tio...
- La dua filtrilo estas tiu de boneco. Ĉu tio, kion vi deziris rakonti, estas io bona?
- Ne, bedaŭrinde, tio ne estas tre bona.
- La tria filtrilo estas tiu de utileco. Ĉu tio, kion vi volis diri estas io utila?
- Utila? Ne, tio ne estas vere utila.
- Bone! diris Sokrato. Ni ne parolu plu pri tio! Se via rakonto estas nek vera, nek bona, nek utila, mi preferas forgesi ĝin. Plie, mi konsilas al vi ĝin forgesi.

Elfrancigis Ĵeo

amo en arbaro

2007-02-19T20:36:00.000+01:00

Fojfoje, arboj similas homojn:

Krepusko

2007-02-13T17:14:00.000+01:00

Krepusko: Mia unua hajko...

Hajko estas poeziaĵo (el japana tradicio) konsistanta el 3 linioj kun entute 17 silaboj (5 - 7 - 5).
Verkita en simpla lingvaĵo, hajko kutime priskribas la naturon, kaj invitas la legantojn al meditado.

Amikumu

2007-02-07T20:22:00.000+01:00

Ĉu vi konas "Amikumu"?

Ĝi estas nova socia retejo, por renkonti E-amikojn.

Ĝi estis fondita de Chuck Smith, kiu lanĉis la tre utilan Esperantan vikipedion.

Nunmomente, "Amikumu" havas ĉirkaŭ 300 membrojn.
Ne hezitu membriĝi!

Ĵeo

La ĉemizo de la caro

2007-02-04T13:12:00.000+01:00

Antaŭlonge, en maljuna Rusujo, la caro malsaniĝis.
Lia malsano estis mistera. La kompatinda caro fariĝis trista, melankolia, kaj li ne plu deziris vivi. Neniu kuracisto kapablis resanigi la caron.
Iun tagon, granda saĝulo malkovris rimedon:
- Necesas trovi feliĉan ulon, demeti sian ĉemizon, kaj meti ĝin al caro.
Tuj, multe da misiistoj travizitis la tutan landon, sed ili ne povis trovi feliĉan ulon. Kelkaj homoj estis riĉaj, sed malsanaj ; aliaj estis sanaj, sed ili ĝemis pri granda mizero aŭ pri infanoj... Ĉiuj, sen escepto, riproĉis ion al la vivo.
Iun tagon, preterpasante antaŭ mizera dometo, la filo de la caro aŭdis voĉon:
- Kia feliĉo! Mi bone laboris! Mi bone manĝis! Mi nun bone dormos! Mi neniam povos peti pli de la vivo!
La filo de la caro ĝojis. Finfine, li trovis feliĉulon!
Li ordonis al la servistoj eniri la dometon, kaj aĉeti la ĉemizon de la ulo kontraŭ multe da oro.
Ili eniris la malluman ĉambron, sed tute mirigitaj, ili nur vidis ridetantan homon, kiu surhavis neniun vestaĵon !

Kompreneble, li estis tiel mizera, ke li ne havis eĉ ne unu ĉemizon!

La lamo kaj la laro

2007-01-31T20:53:00.000+01:00

Iun tagon, cirko staris

en vilaĝo ĉe la maro.
Oldan lamon suferigis
terurega dentdoloro.

Ĝi manĝis malmolan grenon
kaj frakasis la molaron.

Super la cirko, flugetis
iu granda blanka laro.
Tristan ĝemon ĝi aŭdis
elvenantan de la cirko.

Ĝi proponis al la lamo
helpeton por resanigo.

Enfosante sian bekon
enen de l' buŝ' malfermita
de la lamo mirigita,
ĝi eltraktis la molaron.

Poste la lamo feliĉa
fariĝis tute dankema.

La moralo: Lamo, laro... La molaro...

La rano kaj la skorpio

2007-01-28T16:49:00.000+01:00

Ĉe la bordo de larĝa rivero, iu skorpio meditis: "Kiel transiri la riveron ?"
La skorpio alvokis iun preterpasantan ranon:
- Bonvolu helpi al mi transiri la riveron!
- Vi frenezulo! Se vi kuŝas sur mia dorso, vi pikos min, kaj mi mortos!
- Ne estu stulta, mi ne kapablas naĝi! Se mi pikas vin, vi dronos, do mi ankaŭ mortos!
Post longa parolado, la skorpio sukcesis konvinki la ranon, kiu akceptis.
Sed, meze de la rivero, doloriga brulvundo en dorso tremetigis la ranon.
- Bestaĉo! Vi pikis min! Mi baldaŭ mortos!
- Jes, mi tre bedaŭras pro tio, sed... ne eblas forfuĝi el la vera naturo sia !

Kaj, la du bestoj kunkune dronis en kotplena rivero.

afrikana fabelo

Esperantigis Joel

Fripono

2007-01-26T19:25:00.000+01:00

Fripono estas la nigra kato de miaj nepoj.
Fripono estas tre inteligenta besto.
Neniom mankas al li escepte parolo.

Fakte, Fripono ne parolas, sed... Fripono legas!
Plue, Fripono legas Esperantlingvajn *mesaĝojn! (Vidu atente la bildon ĉisube)

*Mi fieras, ĉar Fripono estas leganta mian propran E-blogon!

Kial blogi?

2007-01-24T19:02:00.000+01:00

Kial blogi?

Tutsola ĉe komputilo
Vojaĝanta nur en penso,
mi meditas: kial blogi?
Ĉu mi volas ion diri?
Enhavas mia blogaro:
humuron kaj rakontetojn,
naturon kaj desegnaĵojn,
por nekonata legonto.
Plezuretojn mi ŝategas
tra la reto dispartigi,
kaj precipe mi deziras
Esperanton disvastigi.

Por kuraĝigi blogiston,
sufiĉas eta donaco:
Ĉu vi ŝatis la mesaĝon?
Alvenu via komento!

Ĵeo
http://cxitie.blogspot.com

Kortuŝa fabelo

2007-01-17T20:34:00.000+01:00

Naturo kiel artisto

2007-01-15T19:42:00.000+01:00

Hodiaŭ matene, frostis, forte frostis...

La prujno blankigis la tutan pejzaĝon, kaj ŝanĝis araneaĵojn en belegaj fajnaj artaĵoj.

Ortografio

2007-01-13T18:21:00.000+01:00

Ambrose *Bierce diris :

"Ortografio estas scienco kiu konsistas skribi vortojn laŭ la okuloj, ne laŭ la oreloj."

Sendube... li ne konis Esperanton!

*Ambrose Bierce (1842 – 1914) estis usona ĵurnalisto kiu plej famas por “The Devil's Dictionary” (La Vortaro de la Diablo).

Donaco

2007-01-02T19:19:00.000+01:00

Vi ne disponas oron...
Donu almenaŭ floron!

Kalkulado

2006-12-31T17:02:00.000+01:00

Panjo:
- Nu, filineto mia, kiom da bombonoj doni al vi?

Filineto:
- Tli...

Panjo:
- Ne diru tli, sed tri. Mi ne donos bombonojn ĝis kiam vi ne elparolos ĝuste.

Filineto:
- Kvin...

Kristnasko

2006-12-27T20:29:00.000+01:00

Kristnasko en familia rondo:
Ĉiuj feliĉas en varma etoso, geinfanoj ĝojas antaŭ donacoj...

Mi ankaŭ ricevis donacon... Esperantan donacon!
Jen:

Mi memoras, ke mi pasie legis la Aventurojn de Tinĉjo kiel knabo (kompreneble en la franca, mia naska lingvo).

Hodiaŭ, legante tiun albumon, mi duoble feliĉas, ĉar mi retrovas mian infanaĝon kaj plibonigas mian E-lernadon...

Mi ankoraŭ tutkore dankas mian filinon por tiu bela neatenditaĵo.

Birdmigrado

2006-12-13T11:02:00.000+01:00

Patro:
- Ĉu ne estas mirinde, ke birdoj scipovas flugi al Afriko sen mapo kaj kompaso?

Filo:
- Sed estus ja eĉ pli mirinde, se birdoj kunportus mapon kaj kompason!

Longa kolo

2006-12-13T10:07:00.000+01:00

- Kial ĝirafo neniam estas tutsola?

- Ĉar ĝi ĉiam havas kolegon!

vortludo

2006-12-13T10:02:00.000+01:00

Instruisto:
- Ĉu vi konas la vorton "kometo"? Kometo estas malgranda astra korpo, kiu venas de la ekstera sunsistemo, kaj de tempo al tempo spektinde trairas la ĉielon.

Lernanto:
- Nun, mi bone komprenas kio estas kometo, sed... ĉu granda kometo nomiĝas "komo"?

Komo = signo de interpunkcio (,)

Kantu!

2006-12-03T12:41:00.000+01:00

- Kiel facile plibonigi sian Esperanton?
- Aŭskulti kanzonojn...

Ekzistas multe da malsamaj muzikstiloj, tiel oni povas sempene trovi sian feliĉon en la muzikmondo.

Mi ofte aŭskultas la nederlandan grupon "KAJTO", kiu proponas tre belan repertuaron el vigla diverslanda popolmuziko, maristaj kantoj, popoldancoj, ktp...

Plue, iliaj humoraj kanonoj estas brilaj juveletoj.

Kantu la ĉisuban:

Sin mem rigardante, kelk-eksaj beluloj
kredeble meditas:

Domaĝe, ke damnaj, nuntempaj speguloj
mizere kvalitas!

Elŝuteblaj mp3 dosieroj:

http://www.musicexpress.com.br/Artisto.asp?Artista=81

Nova ĉapelo...

2006-11-29T13:00:00.000+01:00

"Ĉi somere, varma suno dolorigis miajn orelojn.
Mia komplezema mastro ŝirmis ilin per bela ĉapeleto...
Mi sendube plibeliĝis, ĉar nuntempe, ĉiuj promenantoj senĉese fotografas min!"

- Tamen, kelkfoje... mi dubas!
Ĉu mi estas reale belega?... Ĉu mi estas simple ridinda?...

Soho ricevis leteron...

2006-11-23T20:16:00.000+01:00

Kara Soho,

Mi ĵus legis la blogon de via mastro, sed li eraris. Mi nomiĝas Pikilino... ĉar mi estas erinecino!
Rigardu ĉisube miajn du ĉarmajn erinecidojn.

P.S. Ili nomiĝas: Pikilido kaj Pikilidino.

Vino

2006-11-19T19:45:00.000+01:00

Paciento :
- Ĉu vi havas medikamenton por mia terura kapdoloro?

Kuracisto:
- Vi certe fartos pli bone, se vi penos meti iom pli da sango en vian alkoholon.

Proverbo (2)

2006-11-15T11:12:00.000+01:00

Kiam fiŝo konsilas, al birdo ne utilas.

Pikilo

2006-11-11T13:44:00.000+01:00

Soho estas mia hundo.
Ĉiuvespere, ĝemante, Soho bojas por eliri.
Ekstere, li ofte renkontas pikan amikon... Ĝi nomiĝas "Pikilo"! Kompreneble, tiu kunulo estas erinaco!
Delonge tiu simpatia besteto travivas ĉitie.
Pilkilo eldormiĝis ĉe noktiĝo por viziti la ĝardenon, kaj gustumi bongustajn insektojn kaj grasajn limakojn.
Sed Soho ne ŝatas vizitantojn. Tuj post kiam li trovas la erinecon, li haltas, kaj bojas, bojadas, bojegas...
La kompatinda erinaco volviĝas, kaj pacience atendas, atendadas...
Kaj ĉiam, la hundo laciĝas, kaj...rezignas!

"Ĝis morgaŭ, Pikilo!"

Nazego

2006-11-10T21:53:00.000+01:00

Iun alian tagon, mi renkontis la ĉi suban arbon.
Mi alproksimiĝis por foti ĝian grandan nazon, sed... subite mi aŭdis strangan basan voĉon!
Estis la voĉo de la arbo...
La arbo deklamis... Jes, same kiel baritono, ĝi deklamis tiun frazon:

"Ĝi estas roko!...
Ĝi estas pintomonto!...
Ĝi estas kabo!... Kabo? Kion mi diras?...
Ĝi estas duoninsulo!"

"Cyrano de Bergerac", Edmond Rostand, 1897

Homarbo aŭ arbhomo?

2006-11-05T18:31:00.000+01:00

Kelkfoje, la naturo kreas malbanalan kreskaĵon.
Iun tagon mi renkontis tiun strangan arbon. Mi demandis al ĝi :
"Pardonu, ĉu mi povas foti vin?"
"Kompreneble", respondis la arbo ruĝiĝante, "sed... mi ankoraŭ estas tute malkombita."

Novaj liter-sudokoj

2006-11-05T12:05:00.000+01:00

Plenigu la tabelon, tiamaniere ke ĉiu linio, ĉiu kolumno, kaj ĉiu kvadrato (aŭ ortangulo) entenu nur unufoje ĉiujn literojn de la elektita vorto.Vi trovos ĉi sube la solvojn de la unuaj liter-sudokoj (2006-10-19)

Ĉapeloj

2006-10-28T16:09:00.000+02:00

Mi miras! Mia blogaro estis rimarkita per famaj homoj... tre famaj homoj!
Sed tiuj grandaj altranguloj estas vere malkontentaj!
Jes, ili ankaŭ deziras belajn ornamitajn ĉapelojn...

- Iliaj deziroj estas ordonoj:

Proverbo

2006-10-24T20:00:00.000+02:00

Ĉu vi legas proverbojn?

Mi ŝatas tiujn miniaturojn, ĉar per bone elektitaj vortoj, ili ofte oferas bonan pripenson.

Ĉiutage, la ĉisuba proverbo pruviĝas...

Tra verdaj okulvitroj, la mondo estas verda.

Denove, ĉapeloj...

2006-10-22T20:06:00.000+02:00

Denove, ĉapeloj anstataŭas supersignajn literojn:

Sur la serioza kapo de la reĝo,

kuŝas altvalora krono;

Sur la komika kapo de la klaŭno,
kuŝas simpla konika ĉapelo;

Tamen ili celebras novjaron,
trinkante saman ĉampanon!

Orkideo

2006-10-20T20:23:00.000+02:00

Por multe da homoj, la vorto "orkideo" rememorigas luksan tropikan arbaron, kie kreskas belegaj multkoloraj aromaj floroj....
Tamen, en Loreno (mia franca regiono), kreskas printempe ankaŭ belaj etaj orkideoj (ĉirkaŭ 35 ĝis 40 malsamaj specioj laŭ spertoj).
Ĉiujare, mi atendas senpacience la revenon de tiuj beletaj strangaj floroj.
Admiru ĉisube la tre belan "*Ophrys apifera"
*kutime, la flornomoj estas latinaj: apis=abelo ; fera=portanto

Sudoko

2006-10-19T19:53:00.000+02:00

Sudoko estas bona amuzado por... ŝatanto de ciferoj! Por la aliaj, mi kreis liter-sudokojn... Kompreneble, esperantlingvajn liter-sudokojn...

Komencu per tre facila sudoko (qvadrato 2X2)

Plenigu la tabelon, tiamaniere ke ĉiu linio, ĉiu kolumno, kaj ĉiu kvadrato 2x2 entenu nur unufoje ĉiujn literojn de la vorto "LUDO"
Ĉu vi sukcesis? Brave!

Nun mi proponas malbanalan sudokon 6X6 kun... ortanguloj!

Plenigu la tabelon, tiamaniere ke ĉiu linio, ĉiu kolumno, kaj ĉiu ortangulo 3X2 entenu nur unufoje ĉiujn literojn de la vorto "ANSERO"
Finfine, mi kreis la kutiman sudokon 9X9. Pli malfacile... Ĉu ne?
Plenigu la tabelon, tiamaniere ke ĉiu linio, ĉiu kolumno, kaj ĉiu kvadrato 3X3 entenu nur unufoje ĉiujn literojn de la vorto "NATURISMO"
Bonan ŝancon!

La tombo kaj la rozo

2006-10-18T17:24:00.000+02:00

Aŭtunas: matena roso, rufaj folioj, hela suno, fajro en kameno... Ideala tempo por legi tiun belan poemon...

La tombo diris al la rozo:

—El rosaj larmoj, sen ripozo,

Vi kion faras, ama flor'?

La roz' al tombo por rediro:

—Vi kion faras el akiro

Nutranta vin je ĉiu hor'?

La roz': —En ombro, tomb' malvarma,

Mi faras el la roso larma

Aromon ambran, de miel'.

La tombo: —Mi, ho flor' plendanta,

El ĉiu la anim' venanta

Anĝelon faras por ĉiel'!

Victor HUGO elfrancigis Antoni GRABOWSKI

Ornamitaj ĉapeloj

2006-10-17T20:20:00.000+02:00

Kelkfoje, tajpi esperantajn supersignajn literojn prezentas malfacilaĵon.
Tamen, mi vere ŝatas ĉiun ornamitan ĉapelon!
Ekzemple:
Ĉ : laŭ mi, ĝi estas la ĉefo... ĉefo kun ĉapelo! Ĉu ne?
Ĝ : dank'al ĝi, eblas ĝoji, kaj ĝui sen ĝeno,.
Tiuj du literoj povas protekti tre diversajn kapojn: kapon de la riĉulo... aŭ kapon de lia ĝardenisto!

Ĉi-sube, mi anstataŭis la cirkumfleksojn per laŭprofesiaj desegnoj:

Kato kaj hundo

2006-10-16T20:30:00.000+02:00

Mi ŝatas tiun humoran rakonton:

Iun tagon, kruela hundo trovis en grenejo katinon kun kvar katidoj.
La malbona besto pelis ilin en angulon. La kompatinda katino timis ĉar la danĝero pligraviĝis!
Subite la kuraĝa katino ekstaris sur la malantaŭaj piedoj kaj grumblis kaj bojis... Vere, ĝi grumblis kaj bojegis...
Tiuj neatenditaj sonoj tiel perpleksigis la hundon, ke ĝi rapide forkuris.
La katino turnis sin al la katidoj kaj fiere diris :
"Nun vi scias, kiel utile estas, scipovi duan lingvon! "

Plezuro

2006-10-15T18:07:00.000+02:00

Esperanto estas mia nova freŝa plezuro.
Novajn horizontojn malfermas al mi tiu bela lingvo.

Dankon Christian*, mi vere ŝatas viajn du karikaturojn ĉisupre...
* http://arnou.chez-alice.fr/